Agenda

2016
AZA
16-17

LIFE ECOCITRIC NAZIOARTEKO KONGRESUA

AZTIk LIFE Ecocitric nazioarteko kongresuan parte hartuko du azaroaren 16 eta 17an, Vall d’Uixó herrian (Castelló), Life GISWASTE proiektua aurkezteko. LIFE Ecocitric proiektua buru duen kongresuaren bitartez nekazaritzako jardunbide egokienak aurkeztu ez ezik, harreman-sare bat ere sortu nahi dute azpiproduktuen balorizazioa bultzatzeko.
Zitrikoen inausketa-hondarren aprobetxamendu osorako sistema berri baten bideragarritasun teknikoa, ekonomikoa eta ingurumenekoa erakusten du LIFE Ecocitric proiektuak. Hondar horietan oinarrituta, izan ere, azpiproduktu berritzaileak lortzen dira, hala nola funtsezko olioak, ongarria, animaliak elikatzeko pentsuak eta biomasa.

Tokia: Vall d’Uixó (Castelló)


2016
URR
5

GISWASTE URTEKO JARRAIPEN BILERA

Life GISWASTEren bazkideek errepasoa egingo diete orain arte izandako lorpenei eta proiektuaren azken zatirako ekintzak zehaztuko dituzte.

Tokia: AZTI-Tecnalia, Derio


2016
EKA
13-17

FMEdays 2016

Geogramaren taldeak FMEdays 2016 ekitaldian parte hartuko du, hots, FME (informazio geoespazialaren integrazio, prozesaketa eta kalitate-kontrolerako tresna) erabiltzaileen Europako topaketa nagusian. Konferentzia ekainaren 13tik 17ra izango da, Essenen (Alemania), eta bertan Geogramak ezagutzera emango du Life GISWASTE sortzeko faktoreen determinazioa, eta proiektuaren garapena eta etorkizunerako aurreikuspenak azalduko ditu.

Tokia: Essen (Alemania)


2016
EKA
23

Hondakin Solidoen Kudeaketa Jasangarriari buruzko 4. Nazioarteko Konferentzia

AZTI-Tecnaliak parte hartuko du Hondakin Solidoen Kudeaketa Jasangarriari buruzko 4. Nazioarteko Konferentzian, ekainaren 23tik 25era, Limassolen, Zipre. Life GISWASTE proiektuak bere ekarpena egingo du, besteak beste eduki hauen inguruan: hondakin solidoen tratamenduarekin zerikusia duten alderdi sozioekonomikoak; hondakinen balorizazioari buruzko erabakiak hartzen laguntzeko tresnak; eta azpiproduktuen erabilera energiaren sorkuntzarako.

Tokia: Limassol (Zipre)


2016
MAI
23

WASTENG

Maiatzaren 23tik 26ra bitartean, AZTI-Tecnaliak ekonomia zirkularraren eremuko gaiei buruzko WastEng Konferentzian parte hartuko du; bertan, CO2 isuriak murrizten laguntzen duten teknologiei buruzko proiektuak, prozesuak eta jardunbide egokiak aurkeztuko ditu.

Tokia: Albi (Frantzia)


2016
MAI
25

ORBIT 2016

AZTI-Tecnaliak ORBIT 2016n parte hartuko du maiatzaren 25etik 28ra bitartean; Europar ekitaldi horretan, eztabaidagai egongo dira ekonomia zirkularraren etorkizuna eta hondakin organikoen kudeaketa, Europako Batzordearen estrategia berriaren ildotik.

Tokia: Heraklion, Kreta (Grezia)


2016
API
27

Hiri eta Herri Jasangarrien Europako 8. Konferentzia

AZTI-Tecnaliaren taldeak Hiri eta Herri Jasangarrien 8. Biltzar Europarraren harira antolatu den PPI4Waste Hondakinak Kudeatzeko Konponbide Berritzaileetarako Nazioarteko Tailerrean parte hartuko du. Hitzordu horretan, Life GISWASTE proiektua aurkeztuko zaie Europa osoko hondakinen kudeaketaren arloko hainbat kontratatzaile publiko, hornitzaile eta aholkulariri.

Tokia: Bilbo


2016
MAR
03

NutriForum

AZTI-Tecnaliak NutriForum topaketan parte hartuko du, animalia-nutrizioari buruzko topaketa garrantzitsuena. Ekitaldia martxoaren 3an eta 4an izango da, Lleidako La Llotja Batzar Jauregian. Bertan, AZTIk Life GISWASTE tresna aurkeztuko die nutrologoei, pentsu-ekoizleei, teknikariei eta formulazio-zerbitzuen enpresei, aholkulariei eta animalien nutrizio eta elikaduran interesatutako profesionalei.

Tokia: Lleida


2016
OTS
22

Life GISWASTE: nekazaritza eta abeltzaintzako hondakinen balorizaziorako GIS tresnaren lehenengo bertsioaren kontraste-mahaia sektoreko eragile nagusiekin

Life GISWASTE proiektuak deialdia egin die Euskadiko nekazaritza-abeltzaintza sektoreko eragile publiko eta pribatu nagusiei, hondakinen balorizazioari buruzko erabakiak hartzeko GIS tresnaren lehenengo bertsioa aurkezteko eta haien ekarpenak jasotzeko, tresna horren azkeneko bertsioan inplementatzeari begira. Lan-jardunaldia otsailaren 22an izango da, goizeko 10:00etan, proiektuaren bazkide den Ihobe sozietate publikoaren auditorioan, Bilboko Bizkaia Plazan.

Tokia: Ihobe, Bilbo


2016
URTA
15

Jardunaldia: “Ekonomia zirkularraren bidean aurrera egiten”

AZTI-Tecnaliak “Ekonomia zirkularraren bidean aurrera egiten” izeneko jardunaldian izango da urtarrilaren 15ean. ACLIMAk antolatuta (Euskadiko ingurumenaren industrien kluster elkartea), jardunaldia Kursaal batzar jauregian egingo da. Bertan, EAEn jardunean dauden ekonomia zirkularreko ekimenak aztertuko dira, eta baita Europako Batzordearen Ekonomia Zirkularraren Pakete Berria (H2020) ere hondakinen kudeaketaren inguruan.

Tokia: Donostia


AGENDA 2015 »

Parte-hartzaileak

AztiGeogramaLKSIhobe